(რეზონანსი) ზუგდიდის მუნიციპალიტეტის სოფელ რუხში ოჯახი დაკარგულ 83 წლის ქალს, თალიკო პატარაიას ეძებს. მეზობლების ინფორმაციით, ის სახლიდან გუშინ, დაახლოებით, 16:00 საათზე გავიდა და მას შემდეგ არ დაბრუნებულა.

„გუშინ უნახავთ ახალაბასთუმნის შესასვლელში, მაგრამ ამის შემდეგ მის შესახებ არაფერი ვიცით. პოლიციას მივმართეთ", - აღნიშნა ერთ-ერთმა მეზობელმა ლერი გუჩუამ.

შს სამინისტროში აცხადებენ, რომ უწყებაში შესულია შეტყობინება და სამართალდამცავები ადგილსამყოფელის დასადგენად შესაბამის ღონისძიებებს ატარებენ.