(რეზონანსი) თბილისში, ინანიშვილის ქუჩაზე, საცხოვრებელი სახლის სხვენში ხანძრის ჩაქრობისას მეხანძრე-მაშველებმა ზარდახშაში შენახული დიდი რაოდენობით თანხა აღმოაჩინეს.

„მეხანძრე-მაშველებმა აღნიშნულის შესახებ ადგილზე მყოფ საპატრულო პოლიციის ეკიპაჟებს შეატყობინეს. აღმოჩენილი თანხა მეპატრონეს დაუბრუნდება", - აცხადებენ საგანგებო სიტუაციების მართვის სამსახურში.

ხანძრის შედეგად დაიწვა 100 კვ.მ. ფართობი. ადგილზე მუშაობდა რვა სახანძრო-სამაშველო ჯგუფი.