(რეზონანსი) ნუცუბიძის მეოთხე პლატოზე, კაპანელის 21-ში მშენებარე კორპუსის მეცხრე სართულიდან მუშა გადმოვარდა და გარდაიცვალა.

„პრაიმტაიმის" ინფორმაციით, 56 წლის მამაკაცი გადმოვარდნისას მე-7 სართულზე დაეცა და თავის სასიკვდილო ტრავმა მიიღო.

შინაგან საქმეთა სამინისტროს ცნობით, გამოძიება დაწყებულია სისხლის სამართლის კოდექსის 240-ე მუხლის მეორე ნაწილით, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას ნიშნავს, რამაც ადამიანის სიცოცხლის მოსპობა გამოიწვია.