მოქალაქეებისთვის მათი თანხმობის გარეშე სარეკლამო SMS შეტყობინებების გაგზავნა შესაძლოა, აიკრძალოს.

ამის შესახებ პერსონალურ მონაცემთა დაცვის ინსპექტორის აპარატის წარმომადგენელმა ოთარ ჩახუნაშვილმა გადაცემაში „საქმე“ განაცხადა.

„ვფიქრობთ, რომ საკანონმდებლო დონეზე ამ საკითხების დარეგულირება აუცილებელია. ვგეგმავთ, პარლამენტს წარვუდგინოთ საკანონმდებლო წინადადება, რომლის თანახმადაც, მხოლოდ მოქალაქეთა თანხმობით მოხდება სმს-ების დაგზავნა და მიღება. ამ წინადადების შეთავაზება პარლამენტისთვის მიმდინარე წელს არის დაგეგმილი,“-აღნიშნა ჩახუნაშვილმა.