(რეზონანსი) მთელი ღამის განმავლობაში ბრალდებულები დაზარალებულებთან ერთად იმყოფებოდნენ და მათ არ ჰქონდათ თავზე არაფერი ჩამოფარებული. სწორედ ასე შეძლეს ბრალდებულთა ამოცნობა, - ამის შესახებ „საქართველოს ბანკზე" დაყაჩაღების საქმის პროკურორმა ირაკლი გულდედავამ პროცესის დასრულების შემდეგ განაცხადა.

რაც შეეხება გატაცებულ თანხას, პროკურორის თქმით, მიახლოებითი თანხა რაც ბრალდებულებმა გაიტაცეს არის - 8 100 ევრო, 13 000 დოლარი და 10 ათასი ლარი.

"დაცვის მხარე ცდილობდა სასამართლო შეეყვანა შეცდომაში. ერთ-ერთ დაზარალებულს მას შემდეგ ჩამოაფარეს თავზე მაისური, რაც უკვე ბანკზე თავდასხმისთვის წავიდნენ. მანამდე მთელი ღამის განმავლობაში დაზარალებულებთან ერთად იმყოფებოდნენ და მათ არ ჰქონდათ თავზე არაფერი ჩამოფარებული. ასევე ერთ-ერთმა ბრალდებულმა დაზარალებულის განმარტებით, ავტომობილში მოიხსნა ნიღაბი. სწორედ ასე შეძლეს მისი იდენტიფიცირება. თანხის ზუსტ ოდენობას ვერ გეტყვით, თუმცა დაახლოებით 8100 ევრო, 13 ათასი დოლარი და 10 ათასი ლარია წაღებული", - განაცხადა პროკურორმა.