რუსთავში ბუნებრივი აირით 5 ადამიანი მოიწამლა. წინასწარი ინფორმაციით, წუხელ, მე-8 მიკრორაიონში ინტოქსიკაცია მიიღო 8 წლის ბავშვმა და 40 წლამდე ასაკის ქალმა. მე-11 მიკრორაიონში კი, ბუნებრივი აირით სამი ადამიანი მოიწამლა.

ადგილზე მობილიზებული იყო სასწრაფო დახმარების ბრიგადები, საპატრულო პოლიცია და „სოკარ-ჯორჯია გაზის" ავარიულ-ტექნიკური ჯგუფები. კლინიკა „რუსთავის" ექიმების ინფორმაციით, მოწამლულების ჯანმრთელობის მდგომარეობა ამ დროისათვის სტაბილურია. წინასწარი ინფორმაციით, ინტოქსიკაციის მიზეზი ორივე შემთხვევაში წყლის გამათბობელი გახდა.

(აიპიენი)