(რეზონანსი) თბილისში, ვარკეთილის მესამე მასივში წუხელ ოთხი ავტომობილი გაძარცვეს. ადგილობრივების განცხადებით, აღნიშნული უკვე რამდენიმე დღეა მიმდინარეობს და დაყაჩაღების სერია ტაქსის მძღოლების დაყაჩაღებით დაიწყო.

დილით ადგილობრივებს ავტომობილების მინები ჩამსხვრეული და პირადი ნივთები წაღებული დახვდათ.

ამ წუთებში ადგილზე პოლიციაა მობილიზებული, შემოსაზღვრულია დანაშაულის ადგილი და ექსპერტ-კრიმინალისტები შესაბამის სამუშაოებს აწარმოებენ.

"ნიუპოსტი"