4 წლის გოგონას დედამ, ლელა ქსოვრელმა მისი საქმის ნაფიცი მსაჯულების მონაწილეობით განხილვაზე უარი განაცხადა. საქმის პროკურორის ლევან ჟორჟოლაძის თქმით, დედა შვილზე სისტემატიურად ძალადობდა, რასაც გარდაცვლილ ბავშვს სხეულის სხვადასხვა ადგილებზე დაზიანებები ადასტურებს.

„დაზიანებების სიმრავლე და მათი განლაგება სხეულის ყველა ნაწილში, ჩვენი და ექსპერტიზის მოსაზრებით, გამორიცხავს ერთჯერადი დაცემის შედეგად დაზიანების მიყენებას ამასთანავე, დასკვნის მიხედვით, სიკვდილის დადგომამდე, მოკლე პერიოდშია მიღებული ეს დაზიანება. არასრულწლოვანს არაერთი დაზიანება აქვს მიყენებული, რომელთა ხანდაზმულობაც სხვადასხვაა. მათ შორის არის, 4-5 დღის, ასევე 8-9 დღის დაზიანება. ამიტომ ლელა ქსოვრელს არა მარტო ერთჯერადი მძიმე დაზიანების მიყენებისთვის აქვს ბრალი წაყენებული, მას ასევე ბრალი წარდგენილი აქვს სისტემატიური ძალადობისთვისაც, რაც არასრულწლოვნის მიმართ მთელი წლის განმავლობაში გრძელდებოდა“, - განაცხადა ტყეშელაშვილმა.

აღსანიშნავია, რომ ლელა ქსოვრელის პროცესი სრულად დაიხურა. შუამდგომლობა ბრალდების მხარემ დააყენა, რასაც დაცვის მხარეც დაეთანხმა.