“ქართულ ოცნება – დემოკრატიული საქართველოს” პოლიტიკურმა მდივანმა ირაკლი ღარიბაშვილმა გადაცემა “რეაქციაში” მმართველი პარტიიდან ეკა ბესელიას წასვლა შეაფასა. 

“აუხსნელი იყო, სად წავიდნენ ეს ადამიანები, რატომ წავიდნენ პარტიიდან. ნუთუ ასე მოუგვარებელი პრობლემა იყო? ყველაფერი იყო პირადული, საბოლოო ჯამში ასე გავიგე მე, რომ პირადული იყო ეს კონფლიქტი. ვიღაცას ვიღაცა არ მოსწონს, ამის გამო წავიდეს პარტიიდან, ეს ხომ აბსურდია. მე ასე ვფიქრობ, რომ ჩვენი პირადი ინტერესები არასოდეს არ უნდა დავაყენოთ ქვეყნის და თუნდაც ამ შემთხვევაში პარტიის და გუნდის ინტერესებზე მაღლა. ეს არის ჩემი პოზიცია”, – განაცხადა ირაკლი ღარიბაშვილმა.