(რეზონანსი) ირაკლი ღარიბაშვილი სავარაუდოდ დეპუტატის მანდატის მოპოვებას შეეცდება.

ერთ-ერთი ვერსიით ყოფილი პრემიერი შუალედურ არჩევნებში მიიღებს მონაწილეობას და მთაწმინდის მაჟორიტარად იყრის კენჭს.

მთაწმინდის ოლქში შუალედური არჩევნები სალომე ზურაბიშვილის პრეზიდენტად არჩევის გამო უნდა გაიმართოს.

ირაკლი ღარიბაშვილი "ქართული ოცნების" პოლიტსაბჭოს სხდომაზე გუნდში დღეს ხელახლა წარადგინეს. ყოფილი პრემიერი დღეიდან პარტიის პოლიტიკური მდივნის თანამდებობას იკავებს. მან ამ პოზიციაზე გია ვოლსკი შეცვალა.