(რეზონანსი) ყაზტრანსგაზ-თბილისი ავრცელებს თებერვლის თვეში დედაქალაქში ხელმეორედ ჩაჭრილი კუსტარული გაზგამათბობლების და წყალგამაცხელებლების სტატისტიკას რაიონების მიხედვით.

გაზის მოხმარების უსაფრთხოების ნორმების ყველაზე ხშირი დარღვევა სტატისტიკურად გლდანის, ჩუღურეთის, ნაძალადევის, სამგორის და ისნის რაიონებში დაფიქსირდა.

ყაზტრანსგაზ-თბილისის სპეციალისტებმა ის ოჯახები შეამოწმეს სადაც ცოტა ხნით ადრე, დარღვევები დააფიქსირეს და გაზის დანადგარები ჩაჭრეს. განმეორებითი შემოწმების დროს კი ბინებში მეპატრონეებს თვითნებურად ჰქონდათ აღდგენილი გაზის მიწოდება, რაც დიდ საფრთხეს უქმნის როგორც ამ ბინებში მცხოვრებლებს ისე მათ მეზობლებს.

"ეს მოქალაქეები მოიხმარენ ღია კამერიან მკვლელ დანადგარებს და ასევე ხშირად საკვამლე მილი დაერთებული აქვთ კორპუსის სავენტილაციო არხთან, რაც კატეგორიულად აკრძალულია. მსგავსი ქმედებები საფრთხეს უქმნის კორპუსში მცხოვრებ სხვა ოჯახების ჯანმრთელობას,"- წერია ინფორმაციაში. სტატისტიკა კი ასეთია:

გლდანი -399

ჩუღურეთი 378

ნაძალადევი-349

სამგორი 306

ისანი -200

ნუცუბიძე-160

ვაკე- 150

კრწანისი 147

ვაზისუბანი -121

სანზონა - 106

მთაწმინდა- 85

საბურთალო 58

წყნეთი-47

დიდუბე-23

დიღომი 23

კომპანია მოქალაქეებს მოუწოდებს ჩახსნან ღია კამერიანი გაზის დანადგარები და "ყაზტრანსგაზ-თბილისის" სპეციალისტების რეკომენდაციები გაითვალისწინონ.