(რეზონანსი) თიანეთში პოლიციის ინსპექტორ-გამომძიებელი, 35 წლის ლერი მათელური გარდაიცვალა.

„პრაიმტაიმის" ადგილობრივი კორესპონდენტის ცნობით, შემთხვევა იმ დროს მოხდა, როდესაც პოლიციის თანამშრომლები ერთ-ერთ ავტომობილს ამოწმებდნენ.

ამ მომენტში, გზად დიდი სისწრაფით მიმავალი ავტომობილი ქვეითად მყოფ პოლიციელებს დაეჯახა, შედეგად კი პოლიციელი ადგილზე გარდაიცვალა.

ბრალდებულის სახით დაკავებულია 1974 წელს დაბადებული მძღოლი - ზ.ბ, რომელიც ავტომობილს ალკოჰოლური თრობის ქვეშ მართავდა. დანაშაული 6-იდან 9 წლამდე ვადით თავისუფლების აღკვეთას ითვალისწინებს.