(რეზონანსი) თიანეთში პოლიციის ინსპექტორ-გამომძიებელი გარდაიცვალა. „პრაიმტაიმის" ადგილობრივი კორესპონდენტის ცნობით, შემთხვევა იმ დროს მოხდა, როდესაც პოლიციის თანამშრომლები ერთ-ერთ ავტომობილს ამოწმებდნენ.

ამ მომენტში, გზად დიდი სისწრაფით მიმავალი ავტომობილი ქვეითად მყოფ პოლიციელებს დაეჯახა, შედეგად კი 35 წლის პოლიციელი, ლერი მათურელი ადგილზე გარდაიცვალა.

ბრალდებულის სახით დაკავებულია 1974 წელს დაბადებული მძღოლი - ზ.ბ, რომელიც ავტომობილს ალკოჰოლური თრობის ქვეშ მართავდა. დანაშაული 6-იდან 9 წლამდე ვადით თავისუფლების აღკვეთას ითვალისწინებს.

შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 276 მუხლის მე- 6 ნაწილით დაიწყო.

"პრაიმტაიმი"