(რეზონანსი) "მოზარდმა სავარაუდოდ წნევის დამწევი საშუალება მიიღო, მანამდე კი კლასელებს გაურკვეველი შეტყობინებები გაუგზავნა" - ამის შესახებ განცხადებას 15 წლის გოგონას სუიციდის მცდელობასთან დაკავშირებით სკოლის დირექტორი აკეთებს. ინფორმაციას "პრაიმტაიმი" ავრცელებს.
მისი თქმით, მოზარდი, რომელსაც სავარაუდოდ, სუიციდის მცდელობა ჰქონდა, დღეს სკოლაში არ გამოცხადებულა.
"მოზარდმა სავარაუდოდ წნევის დამწევი საშუალება მიიღო, მანამდე კი კლასელებს გაურკვეველი შეტყობინებები გაუგზავნა და აღნიშნული მესიჯებით გააგებინა თუ სად იმყოფებოდა", - აღნიშნავს დირექტორი.
გოგონა სკოლის მიმდებარე ტერიტორიაზე იპოვეს. დირექტორის განცხადებით, მოზარდი გონზე იმყოფებოდა, მას პირველადი დახმარება სკოლის შენობაში აღმოუჩინეს და ადგილზე სასწრაფო გამოიძახეს.