ბათუმი-ჩაქვის ცენტრალურ საავტომობილო გზაზე ტრაილერი მახინჯაურში, მატარებლის ხიდის ქვეშ გაიჭედა, რამაც სატრანსპორტო კოლაფსი გამოიწვია. სატვირთო ავტომობილის გათავისუფლებას სპეციალური ტექნიკა დასჭირდა.

როგორც თვითმხილველებმა განაცხადეს, სატვირთო ავტომობილი მოძრაობისას ხიდის ქვეშ ვერ გაეტია და გზა ჩახერგა. ამის გამო საავტომობილო მიმოსვლა ერთი საათის განმავლობაში პარალიზებული იყო.

შემთხვევის ადგილზე სამართალდამცავები იმყოფებოდნენ. ამ დროისათვის ბათუმი-ჩაქვის მიმართულებით მოძრაობა თავისუფლად არის შესაძლებელი.