ბათუმის ცენტრალურ მაგისტრალზე ერთი საათის განმავლობაში ტრანსპორტის მოძრაობა  პარალიზებული იყო. მიზეზი ავტოსაგზაო შემთხვევა გახდა. ერთმანეთს 3 ავტომობილი შეეჯახა - არავინ დაშავებულა. ერთ-ერთი დაზარალებულის მტკიცებით, ავარია ფორდის მარკის ავტომობილის მძღოლმა გამოიწვია, რომელიც საჭეს არაფხიზელ მდგომარეობაში მართავდა. მისივე თქმით, ის აზერბაიჯანის საკონსულოს თანამშრომელი იყო, რის გამოც ის არც ნარკოლოგიურ შემოწმებაზე გადაიყვანეს და არც ჯარიმა გამოუწერეს. ინფორმაციას უარყოფს შინაგან საქმეთა სამინისტრო. უწყებაში ამტკიცებენ, რომ შემოწმება ჩატარდა და დადგინდა, რომ სამივე მძღოლი ფხიზელი იყო.