სამხედრო სავალდებულო სამსახურის ვადა შესაძლოა 1 წლიდან 6 თვემდე შემცირდეს. ეს ინიციატივა ერთ-ერთია კანონპროექტების იმ ჩამონათვალიდან, რომელიც თავდაცვის კოდექსის პაკეტის ფარგლებში მომზადდა. ცვლილებების განხილვა პარლამენტმა უახლოეს მომავალში, კომიტეტის ფორმატში უნდა დაიწყოს. პარლამენტში ინიცირებამდე კოდექსის პროექტი უკვე გააცნეს სამოქალაქო სექტორის წარმომადგენლებს და ანალიტიკოსებს. 

ცვლილება, სავარაუდოდ, შეეხება სამხედრო სავალდებულო სამსახურის გადავადების მოსაკრებელსაც. თუ დღეს მოქმედი კანონმდებლობით 1 წლით გადასავადებლად პირმა 2 000 ლარი უნდა გადაიხადოს, ცვლილების მიღების შემთხვევაში ეს თანხა 1 500 ლარამდე შემცირდება.

(პრაიმტაიმი)