(რეზონანსი) პროკურატურა საპატრიარქოს მოწოდებას გიორგი მამალაძის საქმის მასალების გასაჯაროებასთან დაკავშირებით, უარით პასუხობს.
როგორც გენერალური პროკურატურის პრესსამსახურში განაცხადეს, მასალები არ გასაჯაროვდება.
საპატრიარქოს პრესცენტრის ხელმძღვანელმა ანდრია ჯაღმაიძემ დღეს გამართულ პრესკონფერენციაზე განაცხადა, რომ სასურველია, კომპეტენტურმა ორგანოებმა დეკანოზ გიორგი მამალაძის საქმის მასალები გაასაჯაროოს და ამით გამონაკლისი დაუშვას.
საპატრიარქოში განაცხადეს, რომ გიორგი მამალაძისა და მისი ადვოკატების ქმედებები სავარაუდოდ ეკლესიის წინააღმდეგ მიმართულ კამპანიას ემსახურება და გაუგებარია, ერთი მხრივ, შეწყალების თხოვნა, მეორე მხრივ, კი საპატრიარქოს წინააღმდეგ ცილისმწამებლური განცხადებები.