(რეზონანსი) პროკურატურის ინფორმაციით, მამიდის მკვლელობისთვის ბრალდებულს 13 წლით პატიმრობა მიესაჯა. მათი ცნობით, ბრალდებულმა ურთიერთშელაპარაკებისას ხელი ჰკრა მის მამიდას, რის შედეგადაც ის წაიქცა, თავი მიარტყა ტახტს და გონება დაკარგა.

"ნ.მ.-მ კვალის დაფარვის მიზნით ბ.მ.სარდაფში ჩაიყვანა, რა დროსაც იგი გონს მოვიდა, ხოლო ნ.მ.-მ განზრახ მოკვლის მიზნით მას ხის ჯოხი თავის და სახის არეში რამოდენიმეჯერ ჩაარტყა, შემდეგ კი შემთხვევის ადგილიდან მიიმალა. მიღებული დაზიანებების შედეგად ბ.მ. ადგილზე გარდაიცვალა", - ნათქვამია პროკურატურის მიერ გავრცელებულ ინფორმაციაში.

მას ბრალდება სისხლის სამართლის კოდექსის 111-108-ე მუხლით წარედგინა (განზრახ მკვლელობა, ჩადენილი ოჯახის წევრის მიმართ) და აღკვეთის ღონისძიების სახით პატიმრობა შეეფარდა.

"cyc.ge"