(რეზონანსი) საქართველოს შეიარაღებული ძალების ყოფილი უმცროსი სერჟანტის, არჩილ ტატუნაშვილის მკვლელობიდან ერთი წელი გავიდა.

მუხათგვერდის სასაფლაოზე პოლიტიკოსებმა ტატუნაშვილის ხსოვნას პატივი მიაგეს. იქ იმყოფებოდა საქართველოს პრეზიდენტი სალომე ზურაბიშვილი, ასევე პრემიერ-მინისტრი და მთავრობის წევრებიც.

„ჩემი შვილი ძლიერი, ამაყი და ღირსეული იყო და ღირსეულად მოკვდა. არაადამიანურად გაუსწორდნენ ის ჯალათები იმის გულისთვის, რომ ასე უყვარდა სამშობლო," - განაცხადა არჩილ ტატუნაშვილის დედამ, რუსუდან ტატუნაშვილმა.

არჩილ ტატუნაშვილი 2018 წლის 22 თებერვალს, საოკუპაციო რეჟიმმა საქართველოს სამ მოქალაქესთან ერთად ახალგორში გაიტაცეს. 23 თებერვალს კი ცნობილი გახდა, რომ იგი გაურკვეველ ვითარებაში გარდაიცვალა.