(რეზონანსი) „ქართული ოცნების" მთავარ ოფისში საგანგებო სხდომა ჩაინიშნა. საპარლამენტო უმრავლესობის სხდომა 16:00 საათზე უნდა დაწყებულიყო, თუმცა პარლამენტში სხდომის გაჭიანურების გამო ჯერჯერობით იგვიანებს.

ოფისში უკვე მივიდა რამდენიმე დეპუტატი, მათ შორის რევაზ არველაძე და ლევან კობერიძე, რომლებმაც ეკა ბესელიას კანონპროექტს მხარი დაუჭირეს.

გავრცელებული ინფორმაციით, სხდომას პარტიის თავმჯდომარე ბიძინა ივანიშვილი უხელმძღვანელებს.

ბოლო 24 საათში „ქართული ოცნება" 3 დეპუტატმა: ეკა ბესელიამ, ბექა ნაცვლიშვილმა და ლევან გოგიჩაიშვილმა დატოვა.