გორში 8 წლის ნანიკო ბერიაშვილის მკვლელობის საქმეზე ბრალდებული იაგო ნებიერიძის სასამართლო პროცესი ხვალ, რუსთავის მე-6 პენიტენციურ დაწესებულებაში გაიმართება.  პროცესის ციხეში ჩატარების გადაწყვეტილება მოსამართლემ მიიღო. ამის მიზეზი, სავარაუდოდ, ბრალდებულის უსაფრთხოებაა. შეიძლება არსებობდეს ბრალდებულზე თავდასხმის საფრთხე.

8 წლის გოგონა 25 ოქტომბერს მდინარე ლიახვის ნაპირას მოკლული იპოვეს. შინაგან საქმეთა სამინისტრომ მკვლელობის ბრალდებით წარსულში ნასამართლევი 33 წლის იაგო ნებიერიძე არასრულწლოვნის მიმართ დამამძიმებელ გარემოებაში ჩადენილი განზრახ მკვლელობის მუხლით დააკავა, რამდენიმე დღეში კი, ბრალი დაუმძიმდა სისხლის სამართლის კოდექსის 141-ე მუხლით, რაც გარყვნილ ქმედებას გულისხმობს.