(რეზონანსი) მე არ მგონია, რომ პრეზიდენტი უნდა იყოს ის ადამიანი, რომელიც თავის თავს აყენებს სასამართლო სისტემის ზემოთ და შეუძლია, რომ გაასწოროს ის, რაც არის სასამართლოს მიერ გადაწყვეტილი, - ამის შესახებ საქართველოს პრეზიდენტმა სალომე ზურაბიშვილმა დეკანოზ გიორგი მამალაძის შეწყალებასთან დაკავშირებით, პარიზში, ქართველი ჟურნალისტების მიერ დასმული შეკითხვის საპასუხოდ განაცხადა.
სალომე ზურაბიშვილის თქმით, შეწყალების უფლება პრეზიდენტის დისკრეციულ უფლებას წარმოადგენს, რომელიც გარკვეულ პირობებში უნდა იყოს.
„მე არ მგონია, რომ პრეზიდენტი უნდა იყოს ის ადამიანი, რომელიც რაღაცნაირად, თავის თავს აყენებს სასამართლო სისტემის ზემოთ და შეუძლია, რომ გაასწოროს ის, რაც არის სასამართლოს მიერ გადაწყვეტილი. მე წარმოდგენა მაქვს, რომ პრეზიდენტის შეწყალება არის დისკრეციული უფლება, რომელიც უნდა იყოს ძალიან განსაკუთრებული და ძალიან გარკვეულ პირობებში", - განაცხადა სალომე ზურაბიშვილმა.