დეპუტატმა ლევან გოგიჩაიშვილმა იურიდიულ საკითხთა კომიტეტის თავმჯდომარე ანრი ოხანაშვილს სასამართლო ხელისუფლების მიერ დანიშნული თავმჯდომარე უწოდა, რასაც კომიტეტზე დეპუტატებს შორის დაპირისპირება მოჰყვა.

"ვის რა უნდა ასწავლო. შენ მართლა აქ შენი თავი მართლა დირექტორი ხომ არ გგონია. უმრავლესობის არჩეული დანიშნული კომიტეტის თავმჯდომარე ხარ და კეთილი ინებე, ჩვენ მოგვისმინე, რადგან ჩვენ გასწავლით და შენ ვერ გვასწავლი. მე გასწავლი, როგორ უნდა კოლეგებთან ურთიერთობა და პოლიტიკის კეთება. დაიცავით კორექტულობა. დანიშნულები ხართ იმ მიზნით, რომ სასამართლო დაიცვათ. რასაც ვუყურებთ, ეს არის იურიდიული კომიტეტის რეპუტაციის თვალსა და ხელშუა დანგრევა“, – განაცხადა ლევან გოგიჩაიშვილმა.

ლევან გოგიჩაიშვილს ანრი ოხანაშვილმა მოკლე რეპლიკით უპასუხა და პროცედურის დაცვისკენ მოუწოდა.