(რეზონანსი) კასპის რაიონში მამაკაცი გარდაცვლილი ნახეს, წინასწარი ინფორმაციით ის კლდიდან გადავარდა.

„ნიუპოსტის" კორესპონდნეტის ცნობით, შემთხვევა წუხელ გვიან ღამით მოხდა. სოფელ ახალციხის მკვიდრის ცხედარი ცხავერის ტყის მიმდებარე ტერიტორიაზე იქნა ნაპოვნი.

ადგილობრივების ინფორმაციით, 55 წლის მამაკაცი სალოცავში იმყოფებოდა და რა დროსაც შეფმთხვევა მოხდა.

გარდაცვლილის ცხედარი გორის პროზექტურაშია გადასვენებული და ექსპერტიზა უტარდება.

როგორც შსს პრესსამსახურში აცხადებენ, მომხდარ ფაქტზე გამოძიება 115 მუხლით დაიწყო, რაც თვითმკვლელობამდე მიყვანას გულისხმობს.