(რეზონანსი) ზუგდიდში სამშენებლო მასალების ქარხანა გაქურდეს. საამქროს დირექტორი უჩა ტუფურიას განცხადებით, 1000 ლარამდე ინვენტარია წაღებული. ინფორმაციას „პრაიმტაიმი" ავრცელებს.

„დილით მუშა რომ მოვიდა, კარი დახვდა ღია და ნახა, რომ წაღებული იყო მასალები, ბლოკის ამწევი, ხრახნი და სხვადასხვა მასალა. განვაცხადე პოლიციაში და დავწერე განცხადება"- აცხადებს ტუფურია.

მისივე ინფორმაციით, ადგილზე ამ წუთებში ცაცხვის პოლიციის რწმუნებული იმყოფებობა და მიმდინარეობს ტერიტორიის დათვალიერება.

გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.