არასრულწლოვანზე ადევნებისა და გარყვნილი ქმედების საქმეს რუსთავში პოლიცია იძიებს. მეშვიდეკლასელ გოგონას, კაცი სავარაუდოდ, სამარშრუტო ტაქსიში მაშინ აედევნა, როდესაც ის სკოლიდან სახლში ბრუნდებოდა.

მოზარდმა 112-ში თავად დარეკა. გოგოს დედამ ფაქტი დაადასტურა, თუმცა მედიასთან საუბარი არ ისურვა.

გავრცელებული ინფორმაციით, კაცი გოგონას მეზობელია და ის უკვე დაკავებულია. შსს-ს ცნობით, გამოძიება 141-ე მუხლით მიმდინარეობს, რაც გარყვნილ ქმედებას გულისხმობს.