(რეზონანსი) ბელგიაში ყველა აეროპორტმა მუშაობა 24 საათით შეწყვიტა. მთელი დღის განმავლობაში დახურული იქნება ბელგიის საჰაერო სივრცე. მიზეზი აეროპორტების სხვადასხვა განყოფილების, მათ შორის დისპეტჩერების, მაშველებისა და აეროპორტის პოლიციის გაფიცვა გახდა.

აეროპორტის მუშაკების მთავარი მოთხოვნება ხელფასებისა და პენსიების გაზრდა, ასევე დასვენების დღეების რაოდენობის გაზრდაა. გაფიცვა ადგილობრივი დროით საღამოს 10:00 საათზე დასრულდება.

ფრენების კონტროლის სამსახურის ინფორმაციით, გაფიცვის გამო არ არსებობს მგზავრების უსაფრთხოების დაცვის გარანტია, რის გამოც ქვეყნის მასშტაბით, არც ერთი რეისი არ შესრულდება.