(რეზონანსი) ბათუმის წმინდა ნიკოლოზის სახელობის ეკლესიის წინამძღვარი ნიკოლოზ გიგატაძე ე.წ. ციანიდის საქმეზე მსჯავრდებულ გიორგი მამალაძესთან პენიტენციურ დაწესებულებაში შესვლასა და მის ზიარებას გეგმავს, - ამის შესახებ ინფორმაცია პირველ არხს ნიკოლოზ გიგატაძემ დაუდასტურა.

როდის აზიარებს მსჯავრდებულ დეკანოზს მოძღვარი, ჯერ უცნობია.

მისივე თქმით, თბილისში ჩასვლას გიორგი მამალაძის ოჯახთან და თავად მსჯავრდებულთან შეთანხმების შემდეგ აპირებს.

შეგახსნებთ, რომ საქართველოს საპატრიარქომ განცხადება გაავრცელა, რომელშიც აღნიშნულია, რომ „ნებისმიერ მღვდელმსახურს შეუძლია, გიორგი მამალაძე აზიაროს, თუმცა ეს იქნება ამ სასულიერო პირის პირადი გადაწყვეტილება და პასუხისმგებლობა".