გორში 13-მა საბავშვო ბაღმა მუშაობა შეაჩერა. "ნიუპოსტის" კორესპონდნეტის ცნობით, სკოლამდელი აღზრდის დაწესებულებებმა ბავშვების მიღებაზე უარი მას შემდეგ თქვეს, რაც შემოწმების შედეგად გაირკვა, რომ ბაღების შენობების ნაწილში გაზი ჟონავდა, ან საფრთხე არსებობდა ამის. ბაღების სააგენტოს დირექტორის, ლია კოვზიშვილის განცხადებით, ეს არის პრევენციის მიზნით განხორციელებული ღონისძიება და ამ მხრივ საგანგაშო ვითარება არც ერთ ბაღში არ დაფიქისრებულა. კოვზიშვილი ასევე ამბობს, რომ სპეციალისტების რეკომენდაციების შესაბამისად, სამუშაოები ბაღებში უკვე მიმდინარეობს და ბავშვები სააღმზრდელო დაწესებულებებს უახლოეს დღეებში დაუბრუნდებიან.

გორში სულ 20 ბაღია, აქედან 7-ში სააღმზრდელო პროცესი გრძელელდება. "საქგორგაზი" საგანმანათლებლო დაწესებულების შემოწმებას მას შემდეგ ახორციელებს, რაც ქვეყანაში ბუნებრივი აირის გაჟონვის შედეგად, რამდენიმე ტრაგედია დატრიალდა.