ილიას სახელმწიფო უნივერსიტეტში ბიზნესის სკოლის სტუდენტთა ნაწილი აქციას ამ წუთებში მართავს. სტუდენტების მოითხოვნებს ლექტორების და პროფესორების ნაწილი შეუერთდა. სტუდენტები ითხოვენ, გიგა ზედანიამ და აკადემიური საბჭოს წარმომადგენლებმა განმარტონ, თუ რატომ დაიწყო რეორგანიზაციის პროცესი და რატომ შეუერთდა ბიზნესის სკოლა ახლადშექმნილ ფაკულტეტს. სტუდენტთა ნაწილი აცხადებს, რომ ადმინისტრაციამ ეს გადაწყვეტილება ერთპიროვნულად მიიღო, რაც აქციის მონაწილეებისთვის მიუღებელია.

31 იანვარს გიორგი ქადაგიძემ განაცხადა, რომ ილიას სახელმწიფო უნივერსიტეტის ბიზნესის სკოლის დეკანის თანსამდებობიდან გაათავისუფლეს. ქადაგიძის ინფორმაციით, უნივერსიტეტის ადმინისტრაციას ცვლილებების შიში და ძირეული სიახლეების მიუღებლობა აქვს.