(რეზონანსი) სტამბოლში ექვსსართულიანი საცხოვრებელი კორპუსი ჩამოინგრა, ამის შესახებ ინფორმაციას Haberturk-ი ავრცელებს. თურქული მედიის ინფორმაციით დაღუპულია ერთი და დაშავებულია 6 ადამიანი, თვითმხილველების თქმით, ნანგრევებში რამდენიმე ადამიანია მოყოლილი.

შემთხვევა კარტალის რაიონში მოხდა. კორპუსში 12 ბინა იყო,

ადგილზე საგანგებო და სასწრაფო დახმარების სამსახურები არიან მობილიზებული.Haberturk-ი თვითმხილველზე დაყრდნობით წერს, რომ ნგრევა აფეთქებამ გამოიწვია, თუმცა ეს ოფიციალურად ჯერ არ დადასტურებულა.