(რეზონანსი) გარემოს ეროვნული სააგენტოს ცნობით, ხვალიდან საქართველოს მთელ ტერიტორიაზე ჰაერის ტემპერატურა რამდენიმე გრადუსით დაიკლებს. როგორც "2020NEWS"-ს სააგენტოში განუცხადეს, ხვალ დღის მეორე ნახევარში ჰაერის ტემპერატურა დაიკლებს.

ჰაერის ტემპერატურა დასავლეთ საქართველოს დაბლობში +10, +14, ხოლო აღმოსავლეთ საქართველოს ბარში +7, +12 გრადუსის ფარგლებში დაფიქსირდება. მაღალ მთაში მოსალოდნელია თოვა.

თბილისში დღის მეორე ნახევარში მოსალოდნელია მცირე ნალექი. საქართველოში არამდგრადი ამინდი 11 თებერვლამდე შენარჩუნდება.