კახეთის ერთ-ერთ მუნიციპალიტეტში გამოცხადებული ტენდერის შესახებ ინფორმაციას ორგანიზაცია "ფლანგვის დეტექტორი" ავრცელებს. ადგილობრივი ხელისუფლების გადაწყვეტილებით, მიმდინარე წელს ლაგოდეხში დაბადებული ყველა ახალშობილის ოჯახი საჩუქრად 50 ლარის ღირებულების სასაჩუქრე კალათს მიიღებს.

ტენდერის ღირებულება 25 ათასი ლარია. "ფლანგვის დეტექტორის" ინფორმაციით, ტენდერს გამარჯვებული უკვე ჰყავს და ის ინდმეწარმე მამუკა შიუკაშვილია, თუმცა ტენდერში გამარჯვებულს მისაწოდებელი საქონლის ხარისხის შესაბამისობის დამადასტურებელი საბუთი ჯერ არ წარმოუდგენია.

„მუნიციპალიტეტი აპირებს 600 ცალი პამპერსის, საწოვარების და სხვადასხვა ჰიგიენური საშუალებების შესაძენად, ეს მაშინ, როცა ამ მუნიციპალიტეტს ჰყავს ოფიციალურად აღრიცხული 7500 სოციალურად დაუცველი,“ - ამბობს "ფლანგვის დეტექტორის" მკვლევარი.