დღეს თამარაშვილის ქუჩაზე მომხდარი გასროლისას დაჭრილ ორ ადამიანს ამ დრომდე ქირურგიული ოპერაცია უტარდება. მათგან ერთის მდგომარეობა მძიმეა. ინციდენტის თვითმხილველების ცნობით გასროლა მანქანიდან მანქანის მიმართულებით მიზანმიმართულად მოხდა.

დანაშაულის მოტივის დადგენაზე სამართალდამცველები მუშაობენ. ჯერჯერობით არ ვრცელდება ინფორმაცია თავდამსხმელების დაკავების შესახებ. გამოძიება განზრახ მკვლელობის მუხლით მიმდინარეობს.