22 წლის ანა ხოჯევანიშვილი 72 წლის მეზობელს სექსუალურ ძალადობაში ადანაშაულებს. ყველაფერი 8 თვის წინ დაიწყო, როდესაც მეზობლის ავტოფარეხში შესულ გოგონაზე, მისი თქმით, 72 წლის მეზობელმა სექსუალურად იძალადა.

ამჯამად ხოჯევანიშვილი ამბობს, რომ სამართალდამცველებმა ის ძალადობის ინსცენირებაში დაადანაშაულეს. ამ ფაქტიდან რამდენიმე დღეში ანა ხოჯევანიშვილმა თვითმკვლელობა სცადა და სხეულის დაზიანებებით კლინიკაში მოხვდა.

სექსუალური ძალადობის ფაქტს კატეგორიულად უარყოფს 72 წლის გოგია გველესიანი და მისი ოჯახი. ისინი ანა ხოჯევანიშვილს თავდასხმაში ადანაშაულებენ.