თელავის მუნიციპალიტეტის სოფელ ყარაჯალაში 19 წლის რადიმ ყურბანოვი ცეცხლსასროლი იარაღით მოკლეს. შემთხვევა სოფლის მეჩეთთან მოხდა. ადგილობრივების ინფორმაციით, ყურბანოვმა რამდენიმე წლის წინ თანასოფლელი მოკლა და სწორედ ეს ფაქტი გახდა მისი მკვლელობის მიზეზი.

სოფელ ყარაჯალას მაცხოვრებლები ამბობენ, რომ მას წლების წინ მის მიერ მოკლული კაცის ძმამ, ელბრუს სულეიმანოვმა რამდენჯერმე ესროლა. სავარაუდო ბრალდებული სამართალდამცავებს თავად ჩაბარდა.

ცხედარს ექსპერტიზა ლევან სამხარაულის სახელობის გურჯაანის ექსპერტიზის ეროვნულ ბიუროში ჩაუტარდება.

როგორც "პრაიმტაიმს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.