ერთ-ერთი ადგილობრივის ინფორმაციით, ქეთევან წამებულის ქუჩაზე 7 ადამიანი, სავარაუდოდ, წუხელ გარდაიცვალა. როგორც ერთ-ერთი ადგილობრივი აცხადებს, მიუხედავად იმისა, რომ კორპუსის მოპირდაპირედ ცხოვრობს, არაფერი გაუგონია:
„გაზის სუნი არ მიგრძვნია. სავარაუდოდ, ისინი წუხელ ღამე არიან გარდაცვლილები. ერთ-ერთის მამა ბიჭებთან სტუმრად იმყოფებოდა“, - განაცხადა მეზობელმა.
ისნის რაიონის გამგებლის კახა ლაბუჩიძის ინფორმაციით, ჯერჯერობით გარდაცვლილების იდენტიფიცირება არ მომხდარა.
„ერთადერთი, რაც ამ ეტაპზე შემიძლია გითხრათ, ბინა იყო ნაქირავები. გარდაცვლილია 7 ადამიანი, შვიდივე მამაკაცი. ჯერჯერობით არ მომხდარა მათი იდენტიფიცირება, ასევე მოქალაქეობის შესახებ არანაირი ინფორმაცია არ გვაქვს. სავარაუდო მიზეზზე ვერაფერს გეტყვით, ამაზე მუშაობენ შესაბამისი სამსახურები. ასეთ დროს ყველა ამბობს, რომ CO-თი მოხდა გარდაცვალება, მაგრამ დაველოდოთ გამოძიებას“, - განუცხადა "აიპიენს" ლაბუჩიძემ.
