(რეზონანსი) საქართველოს პრეზიდენტი სალომე ზურაბიშვილი სახლიდან ათონელის სასახლემდე ფეხით დადის თუ არა, ამის შესახებ "პალიტრანიუსმა" სამდღიანი ექსპერიმენტი ჩაატარა.

ექსპერიმენტის პირველ დღეს, 28 იანვარს 09:45 საათზე, პრეზიდენტი სახლთან არ იმყოფება. სავარაუდოდ ამ დროს ის უკვე სასახლეში იყო. 29 იანვარს 09:25 საათზე სალომე ზურაბიშვილი პრეზიდენტის სასახლეში მანქანით მიდის. ექსპერიმენტის მესამე დღე ყველაზე საინტერესო აღმოჩნდა, - პირველი ქალი პრეზიდენტი 09:17 საათზე ფიტნეს-კლუბში ფეხით წავიდა. ფიტნეს კლუბიდან სასახლემდეც გზას ფეხით გაუყვა.

ჟურნალისტის კითხვაზე, სახლიდან პრეზიდენტის სასახლეში ფეხით დადის თუ არა? - სალომე ზურაბიშვილმა უპასუხა: "როცა მინდა".

საპრეზიდენტო არჩევნების პერიოდში სალომე ზურაბიშვილმა განაცხადა, რომ ის საკუთარ სახლში იცხოვრებდა და პრეზიდენტის სასახლემდე ფეხით ივლიდა.

"პალიტრანიუსი"