(რეზონანსი) თებერვლიდან ელექტრომობილების მფლობელებს ელექტროდამტენებს სახლთან დაუმონტაჟებს.

თბილისის მერის თქმით, პროექტი ბიზნესთან ერთად ხორციელდება, მუნიციპალიტეტის თანხების დახარჯვის გარეშე.

ამ მიზნით, 11 თებერვლიდან ამოქმედდება ახალი ვებ - გვერდი chargers.tbilisi.gov.ge , სადაც ნებისმიერს აქვს შესაძლებლობა დარეგისტრირდეს და ითხოვოს სახლთან ელექტროდამტენის დამონტაჟება.

"ეს წაახალისებს ელექტრომობილების შემოყვანას" , - განაცხადა კალაძემ და აღნიშნა, რომ ამ კუთხით არის კარგი კომუნიკაცია ბიზნესთან, რომელიც ჩაერთვება ამ პროექტში.

კახა კალაძემ ასევე აღნიშნა, რომ ერთ-ერთ კომპანიას სურს ელექტრომობილების შემოყვანა და "ქარ-შეარინგის" დაწყება. ავტომობილების დაქირავებას მობილური აპლიკაციით. მომსახურების გადახდა კი, წუთობრივად მოხდება.

"კომერსანტი"