რუსთავში, მე-12 მიკრორაიონში, სამორინე "კრისტალ ბეთის" ტერიტორიაზე ინციდენტი მოხდა. არსებული ინფორმაციით, დაცვის თანამშრომლებსა და 2 მამაკაცს შორის სიტყვიერი შეურაცხყოფა ფიზიკურ დაპირისპირებაში გადაიზარდა.
თვითმხილველების თქმით, "კრისტალ ბეთის" რამდენიმე თანამშრომელი ფიზიკურად გაუსწორდა 2 მამაკაცს. ნაცემი მამაკაცების თქმით, მათთვის ფიზიკური დაპირისპირების მიზეზი უცნობია.
"ინფო რუსთავთან" დაცვის ერთ-ერთმა თანამშრომელმა განაცხადა, რომ მამაკაცები შენობაში იგინებოდნენ, მათ მიეცათ შენიშვნა, შენობა დაეტოვებინათ, მაგრამ არ დატოვეს და სწორედ ამიტომ მოხდა ფიზიკური დაპირისპირება.
ადგილზე მობილიზებული იყო საპატრულო პოლიციისა და სასწრაფო დახმარების ეკიპაჟები.