(რეზონანსი) გარემოვაჭრეებსა და ბათუმის მერიას შორის შეთანხმება შედგა. ამის შესახებ მოვაჭრეებმა მერიის მრჩეველთა საბჭოსთან შეხვედრის შემდეგ განაცხადეს.

მერია 160-მდე მოვაჭრისთვის ძველი ავტოსადგურის ტერიტორიაზე ჯიხურებს დადგამს.

„ჩვენ თანახმა ვართ, მერიის წინადადება მისაღებია, შევთანხმდით, რომ 10-15 დღის ვადაში აგვიგებენ ჯიხურებს ავტოსადგურის მიმდებარე ტერიტორიაზე. ჩვენ წინააღმდეგი ვიყავით მეორე სართულზე ასვლის, იქ არავინ ამოვიდოდა. შევხვდებით ავტოსადგურის ხელმძღვანელს და დეტალებზე შევთანხმდებით", - განაცხადა შეხვედრაზე მყოფმა ერთ-ერთმა მოვაჭრემ.

გარემოვაჭრეებმა ბათუმის მერიასთან საპროტესტო აქცია დღეს განაახლეს. ისინი წერეთლის ქუჩაზე გარე ვაჭრობის აღკვეთას აპროტესტებდნენ.