(რეზონანსი) ქაშვეთის ტაძარში ჟურნალისტისა და ტელეწამყვანის, ლევან ჩხაიძის პანაშვიდი მიმდინარეობს. სამძიმარზე მიდიან ჟურნალისტები, პოლიტიკოსები, მსახიობები, სპორტსმენები და საზოგადოებისთვის ცნობილი სხვა სახეები.

ჟურნალისტს ქაშვეთის ტაძრიდან 15:00 საათზე გამოასვენებენ და საბურთალოს სასაფლაოზე დაკრძალავენ. ლევან ჩხაიძე 33 წლის ასაკში გარდაიცვალა. ის წლების განმავლობაში არაერთ მედიასაშუალებაში მუშაობდა. იყო რადიო "ჯაკოს" სპორტული კორესპონდენტი, მუშაობდა ტელევიზიებში: "იმედი", "მეცხრე არხი", "მაესტრო", "იბერია" და "ტვ პირველი".