(რეზონანსი) "ერთიანი ნაციონალური მოძრაობა" პრემიერ-მინისტრ მამუკა ბახტაძეს 22 მარტს პლენარულ სხდომაზე იბარებს.

როგორც პარტიის განცხადებაშია ნათქვამი, პრემიერთან კითხვები ქვეყანაში კრიმინოგენული ვითარების მკვეთრ ზრდასთან დაკავშირებით ექნებათ.

"საპარლამენტო ფრაქცია „ნაციონალური მოძრაობა" პრემიერ-მინისტრს პლენარულ სხდომაზე 22 მარტს ელოდება, რათა პრემიერისგან მოისმინოს დასმულ შეკითხვაზე პასუხი, თუ რამ გამოიწვია ქვეყანაში კრიმინოგენული ვითარების მკვეთრი ზრდა", - ნათქვამია „ნაციონალური მოძრაობის" მიერ გავრცელებულ ინფორმაციაში.