(რეზონანსი) ჟურნალისტი და ტელეწამყვანი ლევან ჩხაიძე (ჯაკო) თბილისის აეროპორტში ჩამოასვენეს. აეროპორტში მის ცხედარს, ოჯახის წევრებთან ერთად, მეგობრები დახვდნენ.

ლევან ჩხაიძის პანაშვიდი 26 იანვარს წყნეთში, ფიროსმანის ქ. #6 გაიმართება.

ტელეწამყვანს კვირას, 27 იანვარს, 15:00 საათზე ქაშვეთის წმინდა გიორგის სახელობის ეკლესიიდან გამოასვენებენ და საბურთალოს სასაფლაოზე დაკრძალავენ.

33 წლის ჟურნალისტი ბუდაპეშტში მეგობრებთან ერთად იმყოფებოდა, სადაც 21 იანვარს მოულოდნელად გარდაიცვალა. გარდაცვალების მიზეზი ე.წ. თრომბი სახელდება.