ვანის მუნიციპალიტეტის სოფელ სულორში 59 წლის მამაკაცის ცხედარი იპოვეს. ერთ-ერთი ვერსიით არსენა კახიანის გარდაცვალების მიზეზად საკუთარ შვილთან კონფლიქტი სახელდება, რის შედეგადაც მამაკაცი შეუძლოდ გახდა. ცხედარს დაზიანებები აღენიშნება.

საგამოძიებო მოქმედებები ვანში მთელი ღამის განმავლობაში მიმდინარეობდა. ცხედარი ექსპერტიზაზეა გადასვენებული. პოლიციამ უკვე გამოკითხა კახიანის ოჯახის წევრები და მეზობლები. ჯერჯერობით უცნობია, არის თუ არა ვინმე დაკავებული.