(რეზონანსი) გურჯაანის მუნიციპალიტეტის სოფელ ბაკურციხეში ერთმანეთს მსუბუქი და მაღალი გამავლობის ავტომობილი შეეჯახნენ. ავტოსაგზაო შემთხვევას ერთი ადამიანის სიცოცხლე ემსხვერპლა.

ავარიის მიზეზი სავარაუდოდ მოყინული გზა გახდა.

როგორც,შინაგან საქმეთა სამინისტროში განაცხადეს, მომხდარზე გამოძიება დაიწყო სისხლის სამართლის კოდექსის 276-ე მუხლის მეხუთე ნაწილით, რაც გულისხმობს ტრანსპორტის მოძრაობის უსაფრთხოების წესების დარღვევას, რომელმაც ადამიანის სიცოცხლის მოსპობა გამოიწვია.