(რეზონანსი) ზუგდიდის რეფერალურ საავადმყოფოში გრიპის ვირუსისთვის დამახასიათებელი სიმპტომებით 51 ადამიანი მკურნალობს. მათგან ერთის მდგომარეობა მძიმეა და ის რეანიმაციურ განყოფილებაში მართვით სუნთქვაზე იმყოფება.

როგორც საავადმყოფოს კლინიკური დირექტორი სულხან ორჟონია აცხადებს, 51-დან 19 ბავშვია, 19-დან ორი კი - ოკუპირებული აფხაზეთიდან წუხელ შეიყვანეს.

ბოლო ინფორმაციით, დადასტურებულად საქართველოში H1N1 ვირუსით 13 ადამიანი გარდაიცვალა.