გორის მუნიციპალიტეტის სოფელ კარალეთთან მომხდარ ავარიას 79 წლის კაცი ემსხვერპლა. შემთხვევა წუხელ გვიან ღამით მოხდა. ხანში შესული მამაკაცი ადგილობრივია და ქვეითად მიმავალს „მერსედესის“ მარკის ავტომობილი შეეჯახა. მამკაცი ადგილზე გარდაიცვალა. მძღოლი არ მიმალულა. როგორც შსს-ში „ნიუპოსტს“ განუცხადეს, გამოძიება სისხლის სამართლის კოდექსის 276 -ე მუხლის მე -5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.