ჭავჭავაძეზე, სასწრაფო სამედიცინო მანქანის დაჯახების შედეგად დაშავებულ ერთ-ერთ მუშას ექიმებმა ფეხი შეუნარჩუნეს და ამპუტაცია საჭირო აღარ გახდა. 

“პატიენტის მდგომარეობა კრიტიკული იყო, თუმცა ფეხის გადარჩენა მოხერხდა და ამპუტაცია საჭირო აღარ გახდა. ჯერჯერობით დაშავებულის მდგომარეობა სტაბილურად მძიმეა”, – განუცხადეს “მარშალპრესს” სასწრაფო სამედიცინო დახმარების ცენტრში.

ამ დილით თბილისის სასწრაფო სამედიცინო დახმარების ცენტრის ავტომანქანა, რომელიც პაციენტის ჰოსპიტალიზაციას ახორციელებდა, ილია ჭავჭავაძის გამზირზე მდებარე ერთ-ერთი სამშენებლო ობიექტის შესასვლელს შეეჯახა. აღნიშნული შემთხვევის შედეგად გარდაიცვალა ერთი და დაშავდა 12 ადამიანი, მათ შორის, სასწრაფო სამედიცინო დახმარების ორი ექიმიც.